સુરત - મુમ્બઈ ફ્લાઈંગ રાણી

સોમવાર .

સોમવાર, મારા માટે કંટાળા ભર્યો દિવસ .

સવારે વહેલા ઉઠવાનો દિવસ.

મારા જેવા IT professionals સુરતીઓ નો ફ્લાઈંગ રાણી પકડવાનો દિવસ.

બોગી નમ્બર ડ- 3 પક્ડવાનો દિવસ . ( ધન્યવાદ લાલગેટ ની રેલ્વે રીઝ્ર્વેશન ને ઓફીસ ને )

ફ્લાઈંગ રાણી નામ પડતા જ બે વસ્તુ યાદ આવે સમય 5-25 , પ્લેટફોર્મ – 3

ફ્લાઈંગ રાણી એટલે નોકરી કરતા સુરતીઓ ને વાપી અને મુમ્બઈ જવા માટે ની સવાર ની નોકરી ના ટાઈમ પર પહોંચાડતી એક્માત્ર ટ્રેઈન . ફ્લાઈંગ રાણી મા ચા પાણી નાસ્તા ની કોઈ તકલીફ ન પડે , પાંચ – પાંચ મિનીટે ચા , ઈડલી વડા , ભેલ , ખમણ ના ફેરીયા ઓ આંટા મારતા નજરે પડે . ફ્લાઈંગ રાણી મા રીઝ્ર્વેશન ન હોય તો પરિવાર સહિત જવુ હિતાવહ નથી, આ જો કે વ્યક્તિગત અભિપ્રાય છે , પણ જોઈને અનુભવેલો છે .

મુસાફરી શરુ થાય ગુજરાત સમાચાર થી , ને સાથે હોય ગરમ ચા ની પ્યાલી ( પ્લાસ્ટીક ની , લાલુ ની સરકારે ભલામણ કરેલી માટી ની પ્યાલીઓ સુરત સ્ટેશને તો નથી જોઈ )
સુરત થી નવસારી સુધી એકદમ આરામ ની મુસાફરી , પણ બિલીમોરા આવે એટ્લે ફ્લાઈંગ ની ખરી ભીડ દેખાવાની શરુ થાય . લગભગ બધા જ અપ ડાઉન વાળા, રીઝ્ર્વેશનવાળા મુસાફરો ને બાદ કરતા. ફ્લાઈંગ રાણી એટલે 80 % મુસાફરો અપ ડાઉન વાળા , રોજ ના એ ના એ જ ચહેરા , સીટ પણ એ જ . મોટા ભાગે વાપી મા નોકરી કરવા વાળા , સુરત – મુમ્બઈ પાર્સલ વાળા આંગડિયાઓ , હીરા ના દલાલ , હીરા ઘસુઓ .

વાપી આવતા સાથે તો ટ્રેઈન ખાલી ખાલી થઈ જાય, અહી ખાલી એટલે વાપીવાળા ( અપ ડાઉન ની ભાષા મા ) ઉતરી જાય એટલે શાંતિ થી ઉભા રહી શકાય એટલી જગ્યા થાય . વાપી થી ડહાણુ રોડ આ જ શાંતિ થી પસાર થઈ જાય . અને આ જ સમયગાળા મા શાંતિ થી સુઈ શકાય.

સદનસીબે જો બારીવાળી જગ્યા મળે તો ડહાણુ રોડ થી ભાઈન્દર સુધી હરિયાળી નો લ્હાવો લેવાનો આન્ન્દ જ કઈ ઓર છે . પ્રક્રુતિ એ દિલ ખોલી ને સૌન્દર્ય ભર્યુ છે આ સ્થ્ળો પર.

ડહાણુ રોડ – પાલ ઘર વાળા માટે ફ્લાઈંગ એટલે અન્ધેરી , મુમ્બઈ સેંટ્રલ સવારે જવા માટે ની ટ્રેઈન . ભાઈન્દર આવતા ફરી એજ મુમ્બઈ ની ભીડ નજરે પડે , બધા પ્લેટફોર્મ માનવમેદની થી ઉભરાતા .
9-30 વાગ્તા ફ્લાઈંગ બોરીવલી પહોંચી જાય . બોરીવલી થી ચડતા લોકો મુમ્બઈ ની લોકલ ટ્રેઈન મા મફત મા ભારે મસાજ કરાવાનુ પસન્દ નથી કરતા એટ્લે ફ્લાઈંગ મા થોડો હળવો મસાજ કરાવતા મુમ્બઈ સેંટ્રલ સુધી જાય અને પછી ત્યાંથી લોકલ મા . મુમ્બઈ ની લોકલ સ્લો ટ્રેઈન મુમ્બઈ સેંટ્રલ સુધી પહોંચતા તો આખી ખાલી થઈ જાય , અલબત્ત મુમ્બઈયાઓ ની ભાષા મા . (મુમ્બઈયાઓ ની ભાષા મા આખી ખાલી નો મતલબ થાય કે તમે શાંતિ થી ઉભા રહી શકો )

10-20 સ્ટેશન મુમ્બઈ સેંટ્રલ, આખરે , છેક છેલ્લા પહોંચી ગયા મંઝિલ પર . અહી ફ્લાઈંગ આરામ કરે અને સાંજ ને માટે ( 5-55) ફરી સુ સજ્જ થાય.

ફરી ક્યારેક મુમ્બઈ સુરત , ને મુમ્બઈ બેંગ્લોર ની વાતો કરીશુ.

નિમેષ કાપડિયા - વણઝારો